أهتز ياصاح عرش الحب وأركانه ...

الأعضاء الأعزاء

سوري حبايبي على الغيبه والله لكم وحشه
تحيتي لقلوبكم الصادقه المرحه

هذي قصيده مكمله لقصيده

لها خصوصيتها ولكن انتم غالين على قلبي

معاناه عسى ان يكون لها التأثير المرغوب فيه

(( أهتز ياصاح عرش الحب وأركانه
وبأقصى خفوقي تزعزع ساس بنيانه

من بعد طفرة غلاك وزايد أحساسي
بانت علوم الجفا وإمتد سلطانه

قفيت عن قلبي المحتار وأشواقه
ناوي الموادع وماشي درب هجرانه

وتركتني في معمة تخمين أسبابك
ومحاولة فهم ليه و وش على شانه ))

أدق وتسفه مواصيلي وصيحاتي
عاد الجفا ما تبيًن منك برهانه

لو كنت عايف محبتنا وصحبتنا
ترى المحبه مع التوضيح مزدانه

وضح وخل الكرامه تحتفظ قدري
الروح من سفهتك والصد منهانه

أسلوبك أسلوب ما ناسب مشاعرنا
روًح بكيفك وكيفك يملك حصانه

لكن ترى غلطتك ما آظن يغفرها
حبٍ سكن مهجتي وعروق ولهانه

سبحت في بحرك المواج والطامي
ما قصدي الا محاراته ومرجانه

لكن حسافه حسافه ما لقيت اللي
يرتاح فيها النظر وتناسب أحسانه

ما ودي أنكر هواي الصعب وآكابر
أنا أعشقك عشق والطعنات عنوانه

والله لو تقعد اتدور مية عامي
ما شفت من بدل السيات بأحسانه

تحياتي لمن ملكت حياتي.......

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

كلمات جميلة جدا ومؤثرة بالنفس

مشكوووووووور أخوي على الطرح المميز بعد هالغيبة..

لا عدمناك..

قصيده تشير الى العتب
كلمات توضح مدى تلك المعاناة التي سطرتها لنا في صفحتك
كلمات تبين شقى طرف واحد من الطرفين

قصيدة معبره اشكرك

قصيده مؤثره جدا

والله يعين اللي كاتبها
ومشكووووووور