أرجوك لا ترسل كلامك .. أجله ... لا بالي مروق .. ولا صدري رحب

أرجوك لا ترسل كلامك .. أجله = لا بالي مروق .. ولا صدري رحب
يعني مزاجي .. لا تجيه وتشغله = ما دام .. في جوي من أسبابك .. سحب
يا من دروب الحب عنده .. هجوله = لا تحسب إن طبعك كذا .. طبع المحب
إعرف خروج الحب .. وإعرف مدخله = دخول جوه أنس .. و الطلعه نحب
يعني أذا أنت تحب .. حبك كمله = ارفق على قلب الصحيب .. وما صحب
أذكرك كنت تقول .. وجهك مجمله = والحين شفني .. يوم حبيتك شحب
طبع المحب .. يكون شوقه والوله = شوق ن يكنه في الحشاء .. للي يحب
أشتاق لك في اليوم .. يومي بأكمله = يوم أنت أغلى من الغواني والأحب
مير أنت تثقل .. وأنت ثقلك مشكله = يسحب مشاهيب الجمر فيني سحب
الثقل .. في شرع الهوى .. ما تجهله = حرام .. لا مكروه .. ولآهو مستحب
وأذا انت .. تفتي .. في الهوى وتحلله = عطني الدليل .. اللي يحلل ما تحب
وألحين لا ترسل كلامك .. أجله = لا بالي مروق .. ولا صدري رحب

ملآحظه :

كلمة ((نحب)) .. مأخوذه من النحيب والنحيب هو البكاء بشده

((مجمله)) هي ما أجمله كتبت مراعاة للنطق عند البعض


تحياتي ..











ـــــــــــــــــــــــــــــــــــــــــــــــــــــــــــــــــــــــــــــــــــــــــ