كيفكم حبايبي.....

انا صارت غيباتي طويله والله العالم اني اشتقت لكم..

بس انا مشغول بزواج اخوي..

لكن انتو على البال دايم


والصراحه فيه انسانه هي دنيتي اللي انا عايش عشانها غابت عن حياتي وانا اشتقت لها حيل..

وكتبت لها هالابيات



ياالحزن وشبك في وجيه البرييـن
عبسّتها لوكـان ماهـي معابيـس
تسحب فرحها لين ياليـن ياليـن
لبسّتها من جور فعلتـك تلبيـس
واخذت قسمي من قسوم المحازين
عطيتني ياالحزن مايملي الكيـس
لك ماقفا" في خافقي يفضح العين
ويهّل دمعً وسط موقه محابيـس
ياالحزن لوماني من اللي مصليـن
واخشع لربي وآتعوذ من ابليـس
كان انفجر مابين صدري براكيـن
واصبح ضحيه للعناء والهواجيس
مابين هم وضيق وافراق غاليـن
صرت اتقيّس من عناالحزن تقييس
واسهر بليلي والمخاليـق غافيـن
والله كتابه مونس الصدر تونيـس
يارب وانت مبّدل العسـر بالليـن
ذكرك سعاده وابعدي ياوساويـس
يارب عفوك وانت ماغيرك يعيـن
مّدك ولا مـد اليديـن المفاليـس
تفرج لصدرا" له همومه معاويـن
لا كظته تبعـد عليـه المراميـس
وياالحزن وشبك في وجيه البريين
اخذت فرحتها وصـارت معابيـس